KËRKESË PËR SPONSORIM TË LIBRIT

Autori:
Prof.Dr. Mehdi HYSENI
Vepra: "RIBASHKIMI I SHQIPËRISË ETNIKE NË DIPLOMACINË SHQIPTARE DHE NDËRKOMBËTARE"


Vëllezër dhe motra shqiptare, shkoni në kisha, shkoni në xhamia dhe shkoni në teqe, por kurrë mos bëni politikë dhe të liga kundër njëri-tjetrit, se “FEJA E SHQIPTARIT ËSHTË SHQIPTARIA”(Vaso Pashë Shkodrani).

PSE KËRKOJMË QË KY LIBËR TË BOTOHET SA MË PARË, SEPSE:

(I) Pa dyshim, që kjo vepër shquhet për nga cilisa dhe origjinaliteti i saj historiko-juridik dhe diplomatik ndërkombëtar mbase autori me plotë të drejtë dhe me fakte të bazueshme ka hedhur dritë mbi gjendjen e dikurshme dhe të sotme koloniale si të Kosovës, ashtu edhe të territoreve të tjera të Shqipërisë Etnike, duke e vendosur në kohë dhe hapësirë të duhur në kontekstin e diplomacisë shqiptare dhe të diplomacisë ndërkombëtare.

(II) Përmbajtja e tij është shkruar në mënyrë objektive, duke u mbështetur në argumentet e qëndrueshme historiko-politike dhe juridike ndërkombëtare, në saje të cilave autori ia ka arritur që të përgënjeshtrojëdhe demistifikoi historiografinë dhe politikën falsifikatore serbomadhe, të sajuar nga Kisha Ortodokse Serbe dhe qeveritë e saj: mbretërore, socialiste, komuniste, nacionalsocilaiste fashiste gjenocidale dhe “demokratike” (1912-2008);

(III) Po ashtu, në mënyrë objektive dhe shkencore nxjerrë në shesh qëllimet e dikurshme dhe të sotme të “strategjisë së modifikuar” të diplomacisë evro-ndërkombëtare përkitazi me mohimin e pajustifikueshëm të copëtimit dhe të kolonizimit të shqiptarëve dhe të Shqipërisë Etnike në Ballkan;

(IV) Pasqyron në mënyrë kritikë dhe me objektivitet tëkurrjet dhe bymimet” e politikës dhe të diplomacisë shqiptare, e cila këtu e 16 vjet më parë nuk ka qenë gjendje që të dëshmojë para botë, se Kosova, si dhe pjesët e tjera të Shqipërisë Etnike janë ende problem i pazgjidhur kolonial, ashtu siç provon shkencërisht edhe Akademia e Shkncave të Shqipërisë (Platforma për zgjidhjen e çështjes kombëtare shqiptare, 1998);

(V) Me saktësi ka nxjerrë në shesh të vërtetën se politika zyrtare shqiptare ka gjetur gjuhë të përbashkët me qendrat e politikës dhe të diplomacisë evro-ndërkombëtare për mohimin absurd, antihistorik dhe të paligjshëm të kërkesës së ribashkimit të shqiptarëve dhe të Shqipërisë Etnike, gjë që kjo politikë dhe diplomaci e sotme e udhëheqjeve aktuale shqiptare, është në kundërshtim flagrant jo vetëm me Platformën e theksuar të ASHSH-së, por edhe me Kushtetutën e Republikës së Shqipërisë (28 Nëntor 1998, ku në Premabulën e saj thuhet: ”me aspiratën shekullore të popullit shqiptar për identitetin dhe bashkimin kombëtar”);

(VI) Pa marrë parasysh interesat komplementare të periudhës 16-vjeçare të transicionit integrues evro-rajonal të diplomacisë shqiptare dhe asaj ndërkombëtare, autori ka vënë në dukje se e drejta e pavarësimit dhe e ribashkimit të popullit shqiptar në kuadrin e shtetit të tyre kombëtar, që historikisht njihet me emrin Shqipëria Etnike, moralisht dhe ligjërisht sipas së drejtës ndërkombëtare dhe Kartës së Kombeve të Bashkuara, është e justifikueshme. (Shih: Deklarata e njohjes së pavarësisë shteteve dhe popujve kolonial, e sanksionuar në Rezolutën 1514,14.12.1960 të Asamblesë së Përgjithshme të OKB-së, si dhe Rezolutën 2105(XX)20,12.1965 të Asamblesë së Përgjithshme të OKB-së, ku në mënyrë decidive, thuhet që në mënyrë immediate, të marrë fund kolonializmi si krim ndërkombëtar, pavarësisht nga pëlqimi ose dëshirat e shteteve kolonizuese, sepse vetëm e drejta e vetëvendosjes do të thotë pavarësinë e plotë.”);

(VII) Pa marrë parasysh të gjitha mashtrimet dhe spekulimet e deritashme të politikës dhe të diplomacisë shqiptare dhe kombinatorikën e “lojërave të pakufijshme demokratike” të Serbisë gjenocidale dhe të aktorëve të tjerë evro-ndërkombëtarë, të involvuar në “zgjidhjen” e problemit të Kosovës, autori përmes këtij libri paralajmëron se janë bërë të gjitha “parapërgtatitjet” politike dhe diplomatike në shkallë rajonale dhe evro-ndërkombëtare, që Kosovës, t'i njihet ndonjë status i “pavarësisë së kushtëzuar”, i cili në kuptimin juridik-ndërkombëtar, do të thotë= NUK KA PAVARËSI TË PLOTË PËR KOSOVËN(!) Mirëpo, të gjitha këto plane të kurdisura nga koniunktura e kanonierave të diplomacisë evro-ballkanike, autori i ka hudhur poshtëë si të papranueshme dhe të dëmshme si moralisht, politikisht, ashtu edhe juridikisht për interesin e përgjithshëm të Kosovës, pavarësia e së cilës është çelësi kryesor për ribashkimin e shqiptarëve dhe të Shqipërisë Etnike në Ballkan.

(VIII) Mesazhi i kësaj vepre është në funksion të pohimit dhe të mbrojtjes së vërtetës mbi çlirimin antikolonial dhe pavarësinë e plotë të Kosovës, si dhe mbi çlirimin dhe pavarësimin e të gjitha trojeve të tjera etnike shqiptare në hapësirat e rajonit të Ballkanit, në sajte të së drejtës historike dhe të drejtës së vetëvendosjes mbi to të shqiptarëve autoktonë, si titullarë të ligjshëm të tyre, si nga aspekti historik, ashtu edhe nga ai juridik ndërkombëtar.

(IX) Ky libër karakterizohet si antitetzë e argumentuar e teorisë dhe e praktikës së deritashme të kolonializmit serbo-malazez-grek e” maqedon” mbi mbi kombin shqiptar dhe trojet e tyre etnike në Ballkan.

(X) “RIBASHKIMI I SHQIPËRISË ETNIKE NUK ËSHTË MIT, AS UTOPI, POR REALITET GJITHËSHQIPTAR”
PRANDAJ, ME ARSYE,

Po kërkojmë që ky libër të sponsorohet nga ata shqiptarë patriotë, të cilët janë në gjendje që financiarisht ta marrin për sipër botimin e tij.
Për këtë qëllim, mund të drejtoheni në këto email adresa elektornike:
info@dervina.com dhe atdhe_kosova@yahoo.com.

Me nderime dhe mirënjohje atdhetare shqiptare,
Redaksia “Dervina” dhe autori